InicioPolíticaO BNG pedirá no pleno de Vigo rexeitar a proposta "antisocial" de...

O BNG pedirá no pleno de Vigo rexeitar a proposta “antisocial” de aplicar peaxes en autovías

"Non se pode desincentivar o uso do vehículo privado se non hai unha política real e efectiva de mellora do transporte público", engadiu o edil do BNG, Pérez Igrexas.

PUBLICADO O

- Advertisement -

O BNG de Vigo levará ao pleno municipal deste mércores unha moción na que insta o Concello a expresar “clara e rotundamente” a súa oposición á aplicación de peaxes nas autovías e a reclamar á Xunta a rebaixa paulatina ata a desaparición das taxas que se pagan nas autoestradas de titularidade galega (AG-55 e AG-57).

Así o avanzou en rolda de prensa o concelleiro nacionalista Xabier Pérez Igrexas, quen sinalou que a proposta remitida polo “autodenominado progresista” Goberno de España á comisión europea é “antisocial e discriminatoria” para Galicia, que se atopa nunha posición xeograficamente periférica, e que penalizará ás clases traballadoras e ao tecido produtivo.

“Non se pode desincentivar o uso do vehículo privado se non hai unha política real e efectiva de mellora do transporte público”, engadiu o edil do BNG, en relación ao “pretendido afán ecolóxico” desta iniciativa.

Así mesmo, o concelleiro apostilou que é “insultante e inaceptable” que o Goberno expoña esta medida cando “aínda non cumpriu a súa palabra” no que respecta á rebaixa das peaxes da AP-9 e a suspensión desta taxa no caso do tramo entre Vigo e Redondela. “Este Goberno está a tentar agora o que no 2012 non foi capaz de facer o Goberno do PP, con Ana Pastor: unha medida discriminatoria e antisocial, que vai golpear seriamente a Galicia, unicamente con afán recadatorio”, resolveu.

Por iso, este mércores defenderá no pleno municipal unha moción na que insta o Concello a expresar o seu rexeitamento a estas peaxes nas autovías e tamén a reclamar á Xunta que rebaixe as peaxes nas vías de titularidade autonómica.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...