Renfe informou este xoves de que, a partir do luns 10 de maio, volverá haber venda presencial de billetes na estación de Vigo-Urzáiz, tras ser suspendida debido ás obras do centro Vialia.
Segundo informou o organismo, desde que o pasado mes de marzo se centralizou a venda presencial de billetes na terminal de Guixar, reforzouse o servizo de atención ao viaxeiro mediante a asistencia de persoal para vender e informar os usuarios no control de acceso de estación de Urzáiz, ademais de cartelaría e megafonía a bordo dos trens.
Por outra banda, Renfe tamén lembrou que os viaxeiros que o desexen poderán anticipar a compra dos seus billetes a través das canles de venda habituais: na páxina web renfe.com, Renfe Ticket, no teléfono 91.232.03.20, en máquinas ‘autoventa’ ou en axencias de viaxes.
