Unha muller faleceu nunha colisión rexistrada na mañá deste mércores entre dous turismos na autoestrada AP-9 ao seu paso polo termo municipal de Vigo.

Así o informou o 112 Galicia, que detallou que este sinistro ocorreu pasadas as 10,00 horas deste mércores no quilómetro 160 da AP-9 sentido Tui, en Vigo.

Equipos de intervención desprazáronse ao lugar para liberar aos dous ocupantes do outro vehículo implicado. Ademais, foron mobilizados Urxencias Sanitarias de Galicia-061, Bombeiros de Vigo, Garda Civil de Tráfico e persoal do servizo de mantemento da vía.

Ademais, por parte do 112 Galicia informouse tamén á Policía Local e Protección Civil.