Os casos activos de Covid-19 e os novos contaxios experimentaron unha repunta en Galicia ata os 2.354 e 168, respectivamente, nas vésperas dos festivos desta semana Santa, mentres que os pacientes en UCI aumentaron a 30 e os que permanecen noutras unidades descenderon a 167.

Segundo os datos actualizados na mañá deste mércores pola Consellería de Sanidade, con rexistros ata as 18,00 horas deste martes, os pacientes Covid ingresados descenderon de 207 a 197, o que supón dez menos. Deles, 30 atópanse en UCI –catro máis– e 167 noutras unidades –14 menos–.

En canto ás áreas sanitarias, a presión asistencial baixa na área de Vigo, pero soben os novos contaxiados. Así, aínda que soben a cinco os críticos –un máis–, redúcense a 39 os hospitalizados con este coronavirus noutras unidades –dúas menos–.

MÁIS CASOS ACTIVOS E CONTAXIOS

Segundo os datos actualizados este mércores, os casos activos de Covid volveron a ascender, tras a redución da xornada pasada, e sitúanse en 2.354 –o que implica 47 máis–, ao haber máis contaxios (168) que altas (116). Por áreas sanitarias, os casos activos subiron nas de Vigo (+30). Deste xeito, a área da Coruña e Cee mantense á cabeza con 791; seguida da de Vigo, con 619.

Do total de novos contaxios, 148 foron positivos confirmados por PCR nas últimas 24 horas –63 máis que a xornada anterior–, deles 59 na área de Vigo.

REPUNTA A TAXA DE POSITIVIDADE

Ata a data da última actualización de datos, a Comunidade galega levou a cabo 1.851.886 PCR, que supoñen 5.502 probas máis que a xornada anterior –case 400 máis que as contabilizadas o día pasado–.

No relativo á taxa de positividade repuntou a un 3 por cento tras caer a xornada anterior a un 1,4%, polo que segue por baixo do 5% que a Organización Mundial da Saúde (OMS) sinala para dar por controlada a pandemia.