Axentes da Policía Local de Vigo instruíron dilixencias xudiciais por delitos contra a seguridade viaria a dous veciños do Porriño de 45 anos de idade que ían ao volante de senllos vehículos sen obter nunca o carné de conducir, un dos cales tamén circulaba sen o seguro obrigatorio.

En concreto, o primeiro dos homes foi interceptado pouco antes das 8,50 horas deste mércores nun control de tráfico situado na rúa Dona Fermina. O home, de iniciais M. S. S., ía ao volante dun vehículo a pesar de non obter nunca a licenza de conducir. Pola súa banda, o segundo home foi localizado noutro control ás 17,50 horas do mércores. O condutor, que responde as siglas D. E. P. H., conducía sen o seguro obrigatorio en vigor e a pesar de non obter nunca o carné.