InicioSociedadeA covid deixa 32 novos contaxiados na área de Vigo e sen...

A covid deixa 32 novos contaxiados na área de Vigo e sen cambios nos hospitais

Seguen 16 pacientes na zona de críticos e 41 noutras unidades.

PUBLICADO O

- Advertisement -

Os casos activos seguen coa tendencia descendente e sitúanse por baixo dos 3.000, con cifras similares ás de finais do mes de agosto do pasado ano, con 2.931. Tamén se volve a reducir a presión hospitalaria ata os 330 ingresados con Covid, 18 pacientes menos, deles 73 en UCI.

Segundo os datos actualizados na mañá deste venres pola Consellería de Sanidade con rexistros ata as 18,00 horas deste xoves, hai 73 pacientes Covid en UCI en Galicia –catro menos– e 257 noutras unidades de hospitalización –14 menos–.

Con todo, os contaxios diarios detectados con calquera tipo de proba aumentaron lixeiramente ata os 167 –nove máis que este xoves–, tras comezar a semana con 88. Deles, 133 foron positivos confirmados por PCR nas últimas 24 horas. Deses 133 positivos confirmados por PCR nas últimas 24 horas, 32 corresponden a áea de Vigo que mantén 532 contaxiados aínda activos.

Os ingresados por coronavirus na área de Vigo seguen en 16 na zona de críticos e 41 noutras unidades.

TAXA DE POSITIVIDADE

En canto á taxa de positividade –porcentaxe de infeccións por test PCR realizados– subiu lixeiramente a un 1,86%, tras situarse nun 1,78% este xoves. Así, Galicia continúa por baixo do 5% que a Organización Mundial da Saúde (OMS) fixa para dar por controlada a pandemia.

ÚLTIMAS

Inspección de Traballo investiga un accidente laboral en Stellantis Vigo no que unha operaria perdeu un pé

A Inspección de Traballo abriu unha investigación para coñecer as circunstancias dun accidente laboral ocorrido...

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...