O Sergas vén de notificar a morte de 4 persoas que foran diagnosticadas con coronavirus na comunidade galega. A cifra, notablemente máis baixa que as rexistradas semanas atrás, dá conta dun descenso da incidencia de covid que xa se deixa apreciar nas cifras de hospitalizados e, sobre todo, nos casos totais notificados. 

Os falecidos comunicados polo Sergas este domingo corresponden tanto á xornada actual como ao pasado sábado. De feito, o Servizo galego de saúde tan só dá conta do falecemento dunha persoa neste domingo: unha muller de 91 anos no CHOP. O resto de casos correspóndense co sábado 20 e comprenden unha muller de 74 anos no CHUO, un home de 70  anos no CHUVI o outro de 62 anos no CHUS.