O Hospital Álvaro Cunqueiro de Vigo achegará cada ano entre 8 e 10 mostras de metástasis cerebrais á rede nacional Renacer, sendo o único centro hospitalario galego que participa neste proxecto.

Así o comunicou o Servizo Galego de Saúde (Sergas), que lembrou que o Cunqueiro se integrou a esta rede a finais de xaneiro xunto a outra decena de hospitais españois. O obxectivo desta iniciativa é crear unha colección de mostras humanas para impulsar a investigación das metástases cerebrais, para mellorar tanto o seu diagnóstico como o seu tratamento.

A rede foi impulsada polo Centro Nacional de Investigacións Oncolóxicas (CNIO), que inicialmente traballaba coas súas propias mostras pero necesitaba un maior número delas para continuar coas investigacións.

Desta forma, previo consentimento dos pacientes, os cirurxiáns extraerán mostras de tecido durante as operacións cirúrxicas. A continuación, tras recibir o visto e prace como excedente clínico por parte dos patólogos, as mostras enviaranse ao Biobanco do CNIO para o seu procesamiento e almacenamento.