A CXT informou de que a caída dunha árbore sobre a catenaria e a vía ferroviaria despois do apeadeiro de Sela, en Arbo, provocou un novo corte na liña do Miño sobre as 16,00 horas deste sábado.

Segundo explica, o tren 12608 Vigo-Ponferrada con transbordo previsto en Arbo tivo que retroceder á estación das Neves, onde quedou estacionado. Os pasaxeiros tiveron que esperar a que un autobús os recollese no apeadeiro de Sela, antes de Arbo, para seguir por estrada a Ourense.

CGT lembra que denuncia desde hai tempo “a falta de investimentos e recursos humanos para manter o ferrocarril convencional“, o que “provoca que con condicións meteorolóxicas adversas a infraestrutura sufra incidencias continuas”.