Dous novos positivos por COVID foron rexistrados en residencias da Área de Vigo. Un deles no fogar residencial Xardín Castro Lareira de Salceda de Caselas e outro na vivenda comunitaria Urzáiz en Vigo.
Por outra parte, saen da lista por negativizaren un usuario an residencia Xardín Castro Lareira de Salceda de Caselas e dous da Miña Casa de Pazos de Borbén.
Entre os traballadores de residencias de maiores contaxiados, detectouse un positivo na Moledo de Vigo, mentres que saen da lista por negativizar 13 na Paz e Ben de Tui.
Os usuarios de residencias de maiores con Covid-19 descenderon de novo en Galicia, con 25 menos, tras rexistrarse sete novos positivos, 26 altas e seis falecementos, polo que se sitúan en 237. Así se desprende dos datos actualizados este venres polas consellerías de Política Social e Sanidade.
