Dúas persoas resultaron afectadas por inhalación de fume tras un incendio declarado nunha casa en Redondela, que acabou calcinando o salón da vivenda, segundo os datos facilitados ao 112 Galicia.

Os feitos ocorreron no Camiño da Pega, á altura do número 2, ao fío das 19,30 horas deste sábado. Unha persona particular foi a que alertou ao 112 Galicia do incendio.

Tras recibir o aviso, o persoal do CIAE 112 Galicia comunicou a alerta aos Bombeiros do Baixo Miño e de Vigo, a Protección Civil, á Policía Local e ao 061-Urxencias Sanitarias.

Unha vez na casa, os membros do Servizo de Prevención, Extinción de Incendios e Salvamento de Vigo sufocaron o lume e os efectivos sanitarios trasladaron ás dúas persoas ao hospital Álvaro Cunqueiro.