O alcalde de Vigo e presidente da Federación Española de Municipios e Provincias (FEMP), Abel Caballero, trasladou este mércores na reunión do Consello Interterritorial de Saúde a demanda de que se inclúa aos traballadores do Servizo de Atención a Domicilio (SAF) como “prioritarios” no plan de vacinación contra a COVID-19.

Segundo informou o propio Concello olívico a través dun comunicado, Abel Caballero sinalou na reunión a necesidade de inmunizar de forma preferente a este persoal, “xa que son profesionais que atenden a persoas vulnerables”.

Así mesmo, o rexedor e presidente da FEMP volveu a insistir, ante o ministro de Sanidade, Salvador Illa, e os representantes dos departamentos de Sanidade das diferentes Comunidades Autónomas, en que é necesario “apoiar aos sectores que están a soportar maioritariamente o pese desta crise”, como son hostalaría e comercio.