O corpo sen vida dunha octoxenaria que residía soa foi localizado no interior da súa vivenda, situada en Aldán –Cangas–, tras declararse un incendio na cociña da mesma.

Segundo fontes próximas ao caso, o cadáver da muller atopábase noutra dependencia da vivenda que non se viu alcanzada polas chamas, cuausadas, de acorde aos primeiros indicios, por unha mala combustión e que só afectaron á cociña.

As causas do falecemento da muller, que residía soa e non presentaba queimaduras, deberán ser esclarecidas nas probas forenses. O cadáver foi atopado ao redor das 12,30 horas deste mércores por un familiar da vítima que deu o aviso aos servizos de emerxencias. A central do 112, ademais de solicitar os servizos dos bombeiros para sufocar o incendio, puxo o caso en coñecemento da Garda Civil.