O comité de empresa de Vitrasa, concesionaria do bus urbano de Vigo, confirmou a desconvocatoria da folga anunciada pola falta de pagamento da paga extra, despois de que o Concello compensase á concesionaria en 2,2 millóns (polas perdas durante o estado de alarma), o que permitirá á empresa facer fronte ao abono dese salario extra de Nadal e ás nóminas de decembro.

Os representantes dos traballadores anunciaron a folga despois de que a empresa lles comunicara que, debido a que o Concello non compensara as perdas orixinadas pola pandemia, non tiña liquidez para abonar as pagas extras e, posiblemente, tampouco as nóminas de decembro.

O goberno local aprobou hai uns días un pago de 2,2 millóns de euros á empresa polas perdas derivadas do estado de alarma, e e Vitrasa pagou xa as nóminas extraordinarias e poderá pagar pagar os salarios correspondentes ao mes de decembro, segundo comunicou ao comité.

Así as cousas, o comité confirmou a desconvocatoria da folga, aínda que advertiu de que permanecerá “vixiante” para garantir que o persoal recibe o seu soldo a tempo e “evitar que se produzan novos atrasos”.