Un motorista perdeu a vida este mércores en Vigo, tras chocar contra un farol na Estrada Vella de Madrid, segundo confirmou o CIAE 112 Galicia. O sinistro tivo lugar sobre as 14,15 horas, cando varias persoas chamaron a emerxencias para informar dun accidente na Estrada Vella de Madrid, no que estaba implicado un motorista.
O 112 deu aviso ao persoal de Urxencias Sanitarias do 061 pero os técnicos que se desprazaron ao lugar non puideron facer nada por salvar a vida da persoa accidentada, un home de 39 anos de idade.
Ademais de emerxencias médicas, tamén foron informados o accidente a Policía Local, Garda Civil de Tráfico, Protección Civil e o Grupo de Intervención Psicolóxica en Catástrofes e Emerxencias (GIPCE) para dar apoio aos familiares da vítima.
