Adif restableceu á primeira hora da tarde deste xoves o tráfico ferroviario na liña Vigo-Ourense-Monforte, que se atopaba interrompido desde o pasado venres, debido a unha focha provocada polas fortes choivas rexistradas na zona de Frieira.

Segundo informou o administrador de infraestruturas ferroviarias, as intensas precipitacións de hai case unha semana provocaron un “desguarnecido” de vía á altura do desvío número 1 da estación de Frieira (lado Ourense), causando unha focha de 12 metros e con inestabilidade do terreo circundante. O incidente afecto tamén ao macizo dun tirante dun poste de electrificación.

Adif sinalou que, tras a incidencia, Renfe “estableceu desvíos puntuais” vía Santiago para trens de Longa distancia, e transbordos por estrada para servizos de Media Distancia.

Na última semana persoal de Mantemento de Infraestrutura de Adif traballou “día e noite” para restablecer a circulación “canto antes”. Ademais, as tarefas viuse condicionadas pola dificultade de acceder á zona (tanto para persoal como para maquinaria) e pola climatoloxía adversa.