Os municipios sen novas infeccións por covid en 14 días pasaron de cinco a sete na última semana –o 11,5% de toda Galicia– e son Arbo, Campo Lameiro, Dozón, Fornelos de Montes, Mondariz-Balneario, Oia e Portas.

En total Galicia contabiliza 97 municipios en que non se rexistrou ningún caso de coronavirus nos últimos 14 días, o que implica case un terzo, o 30,9% dos 313 concellos galegos, e un aumento de 23 con respecto ao pasado sábado. De todas as localidades libres de covid, a gran maioría –54– volve estar na provincia de Ourense.