O presidente da Federación Española de Municipios e Provincias (FEMP), Abel Caballero, mostrou a disposición das entidades locais a apoiar as decisións que se adopten no marco de plan de vacinación do Goberno e facer posible a súa aplicación.
Fíxoo durante a súa intervención no Consello Interterritorial de Saúde, no que o presidente da agrupación municipalista participa desde hai unhas semanas e que estivo dirixido como cada semana polo ministro de Sanidade, Salvador Illa, e a ministra de Política Territorial e Función Pública, Carolina Darias.
Neste punto, Caballero considera que hai que esperar que os técnicos fixen as prioridades e o modo de proceder respecto da vacina para poder discutir sobre a repartición e a administración destas doses.
Así mesmo, Caballero valorou o ton de diálogo deste foro coas Comunidades Autónomas e referiuse a a “forza moral da unanimidade nas decisións xa que, segundo dixo, esta unanimidade axuda a “asegurar o cumprimento dos cidadáns das medidas de protección fronte á Covid-19”.
Sobre o plan do Goberno de face ás festas do Nadal, Caballero pediu que se intensifique o diálogo entre Sanidade e as comunidades autónomas para que os concellos poidan “coñecer os datos e incidencia da enfermidade nos seus territorios e tomar as decisións oportunas e manter a vixilancia adecuada”.
