Un grupo de surfeiros auxiliou un home que se atopaba en apuros na auga da Praia América, en Nigrán.

O suceso tivo lugar ao fío das 17:25 horas, cando un grupo de persoas que practicaba surf se decatou de que había un home que se atopaba a 15 metros da beira e tiña dificultades para saír.

Os deportistas axudaron a saír da auga ao home que, segundo relata o CIAE 112, rexeitou ser atendido polos efectivos de Urxencias Sanitarias 061 que se desprazaron ao areal.