O artista urbano ourensá Mon Devane está a realizar un dos murais máis celebrados ata o momento desta edición do proxecto municipal Vigo Cidade de Cor: un retrato fotorrealista dun home anciá bebendo unha cunca de viño.
Mon leva empregando o spray como principal ferramenta artística desde o ano 2003, “ano no que comeza a desenvolver a súa técnica, primeiro facendo letras e estilos propios do mundo do grafiti, para acabar realizando obras de carácter realista”, destacan desde a organización do evento.
Actualmente o seu persoal estilo “reflicte un fotorrealismo monocromático no que emprega
escalas de cores para formar luces e sombras cheas de forza, con miradas penetrantes”, engaden. Principalmente realiza retratos e rostros expresivos.
Actualmente traballa diferentes temáticas, “como o concepto do culto á arte urbana, na que mestura imaxes de virxes e santos con elementos propios da arte urbano, outras imaxes de carácter máis autóctono enxalzando produtos ou temáticas propias da súa nación, Galicia, ou simplemente retratos de diferentes persoas”.
No ano 2016 comezou a viaxar polo mundo para deixar obras en países como México, Italia, Francia ou Inglaterra.
