O delegado do Goberno en Galicia, Javier Losada, presentou un escrito ante o Xulgado Mercantil número 3 de Pontevedra (con sede en Vigo), no que solicita que se inhiba en relación ao proceso de alleamento da concepción do estaleiro Vulcano, para que o porto poida concluír o procedemento de extinción da devandita concesión.

No escrito, o delegado apunta que a concesión se atopa extinguida ‘ex lege’ despois da disolución de Factorías Vulcano SA e que, nesa circunstancia, o porto iniciou os trámites para recuperar a dita concesión.

O xulgado e a Audiencia Provincial rexeitaron esa pretensión e incluíron a concesión no proceso de liquidación de Vulcano; mentres que o porto solicitou un ditame do Consello de Estado que avalou a súa posición. Así as cousas, e dado que chocaban as conclusións do Consello de Estado e as dos tribunais, o porto solicitou que dirima o asunto o Tribunal de Conflitos de Xurisdición.

O delegado do Goberno expón ante o xulgado que o feito de que continuase as actuacións para enaxenar a concesión, “ignorando” o procedemento administrativo do porto, supón “unha invasión das competencias” da Autoridade Portuaria. Por iso, pide ao xulgado que se inhiba e que cese as súas actuacións ata que o Porto decida sobre a concesión.