O alcalde de Vigo, Abel Caballero, anunciou este xoves que impulsará unha fronte común con empresas do sector naval da cidade para presentar proxectos e optar a axudas do fondo de recuperación económica de 72.000 millóns de euros que a UE entregará a España.

Nunha rolda de prensa, o rexedor olívico subliñou que “é imprescindible” que “o conxunto do naval vigués” presente un proxecto á UR para optar a eses fondos e acometer a modernización dos estaleiros, empresas auxiliares, etc., e incrementar a súa competitividade.

Segundo incidiu, parte deses 72.000 millóns de euros irán destinado á mellora do sector industrial e por iso, avanzou, contactará con todos os estaleiros da cidade, empresas auxiliares, patronal e sindicatos “para estudar unha formulación conxunta de mellora colectiva, engarzado neses fondos para industria”. “Temos que aproveitar esta ocasión”, proclamou.

Nese sentido, sinalou que estas axudas a fondo perdido poden axudar ao naval vigués, co maior conglomerado de estaleiros privados de Europa nun mesmo territorio, a porse “á vangarda en tecnoloxía” e mellorar a súa competitividade.