InicioPolíticaAs dunas do Vao, declaradas Espazo Natural de Interese Local

As dunas do Vao, declaradas Espazo Natural de Interese Local

O Concello de Vigo terá que garantir a conservación das especies e hábitats presentes neste espazo.

PUBLICADO O

- Advertisement -

O Consello da Xunta aprobou este xoves o Plan de conservación do Espazo natural de interese local do complexo formado polas dunas e o areal do Vao-Baluarte, en Vigo, un instrumento que establecerá o réxime de usos e as actividades que se permiten, así como as limitacións necesarias para garantir a súa conservación.

Con este trámite, do que deu conta o presidente, Alberto Núñez Feijóo, este conxunto convértese no primeiro Espazo Natural de Interese Local declarado de forma definitiva no Concello de Vigo.

Segundo indicou a Xunta, o plan de conservación, redactado pola propia Administración local para un período inicial de seis anos, fixa a normativa e as medidas de xestión necesarias para garantir a conservación dos valores naturais presentes neste espazo, pertencente na súa totalidade ao dominio público marítimo-terrestre.

Deste xeito, o Concello de Vigo terá que garantir a conservación das especies e hábitats presentes neste espazo e, para iso, disporá dunha serie de medidas que se detallan no propio plan e dun financiamento previsto de 815.652,52 euros.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...