InicioPolíticaO PPdeG esixe a Abel Caballero que se disculpe por fracasar a...

O PPdeG esixe a Abel Caballero que se disculpe por fracasar a “confiscación” de fondos municipais

"Debería reconsiderar se é a persoa adecuada para estar á fronte da FEMP", concluíu o secretario xeral do PPdeG Miguel Tellado.

PUBLICADO O

- Advertisement -

O secretario xeral do PPdeG esixiu “unha desculpa” ao alcalde Vigo, Abel Caballero, ao consideralo “outro derrotado”, como presidente da federación española de municipios e provincias (FEMP), do fracaso do decreto de “confiscación” de fondos municipais.

Tras esta “histórica derrota do Goberno socialista”, nunha votación que en opinión dos populares galegos “demostra nula capacidade de negociación e soberbia”, Tellado concluíu que o “outro derrotado aquí, en Galicia, non é outro que o señor Abel Caballero”.

Así, lamentou que Pedro Sánchez pasou “do non é non ao si porque si” e aliñou a Abel Caballero na intención de “confiscar” o superávit dos concellos, co que “conseguiu romper o consenso no seo da FEMP”.

En dous meses, segundo criticou, “pasou de defender que os concellos debían xestionar libremente o seu superávit a defender que eses aforros debían pasar a mans do Goberno central“.

Por iso, a xuízo do secretario xeral do PPdeG, o rexedor vigués “débelle unha desculpa” aos alcaldes aos que “tentou enganar”, ao “municipalismo que traizoou antepondo a militancia ás súas obrigacións” e “aos vigueses porque traizoou o seu mandato de servir á súa cidade e serviuse do seu cargo de alcalde para ser fiel vasallo de Sánchez”.

“MAN TENDIDA”

“Debería reconsiderar se é a persoa adecuada para estar á fronte da FEMP”, concluíu Miguel Tellado, nunha rolda de prensa que convocou para falar do inicio do curso político e ofrecer “a man tendida” aos grupos da oposición co obxectivo de que haxa “entendemento” nas medidas para facer fronte á pandemia da covid-19.

En todo caso, o secretario xeral do PP galego instou ao PSOE galego a “que antepoña os intereses de Galicia por encima dos do seu propio partido” e animoulle a que “cando teña que elixir entre Pedro Sánchez e Galicia, elixa Galicia”, mentres que ao Bloque demandoulle “que renuncie a posturas extremistas, rupturistas e maximalistas”.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...