Un home de 48 anos domiciliado en Vigo, M.C.M., foi denunciado nesta cidade por conducir co permiso caducado un vehículo que presentaba unha matrícula diferente á do remolque ao que fora enganchado.

Fontes policiais detallaron que os feitos tiveron lugar este sábado sobre as 15,44 horas, cando unha patrulla que realizaba labores de vixilancia na avenida Ramón Neto observou un remolque cunha matrícula diferente á do vehículo tractor.

Os policías procederon a darlle o alto ao condutor, que fixo caso omiso e continuou a marcha. Mentres, os axentes perseguírono ata que o interceptaron. Posteriormente, este home foi identificado e comprobouse que o seu permiso de condución da clase B atopábase caducado, así como que non realizara o curso de reeducación tras unha suspensión temporal.

O home foi denunciado por carecer do permiso en vigor e conducir un vehículo tractor cuxa matrícula non coincidía coa do remolque. Ademais, identificouse ao acompañante, un home de 41 anos domiciliado en Vigo, A.G.C., que foi denunciado xunto ao condutor por non portar máscara.