O grupo municipal do PP no Concello de Vigo denunciou este mércores que “hai meses” que os parques infantís e as rúas da cidade non se desinfectan, e “é máis que visible a falta de limpeza“.
Segundo trasladou o grupo a través dun comunicado, o camión de desinfección “do que tanto presumiu” o alcalde “está gardado e hai tempo” que non fai ese servizo. Así mesmo, criticaron os ‘populares’ “a desinfección non chega á totalidade dos parques infantís” e “os nenos teñen que xogar en parques sucios e sen desinfectar”.
Por outra banda, engadiron desde o grupo municipal do PP, “nas praias hai semanas que non funciona o sistema de cintas para parcelar a area“. “Un diñeiro gastado e malgastado. Para que as comprou?Crese que aos vigueses sóbranos o diñeiro?”, cuestionou o portavoz do grupo, Alfonso Marnotes.
Os ‘populares’ lamentaron que Abel Caballero “si teña diñeiro para loces pero non para desinfección” e lembraron que, coa actual evolución da pandemia, “agora mesmo a limpeza é a prioridade”. “O que pasa é que este tema non dá estudios de televisión e as luces de Nadal si”, apostilou Marnotes.
Cuestionado acerca destas denuncias, o alcalde manifestou nunha rolda de prensa que “todos os días se desinfectan todos os parques infantís, os parques biosaludables, e as instalacións deportivas”.
