O corpo dun home sexagenario foi localizado pasada a medianoite cando flotaba no mar nas proximidades da Avenida Beiramar, na cidade de Vigo.

Segundo informou o 112 Galicia, uns minutos despois da medianoite deste luns, axentes da Policía Nacional avisaron do ao servizo de emerxencias de que había un corpo que flotaba á altura do número 59.

Con esta información, púxose en marcha un operativo que contou coa colaboración dos membros de Salvamento Marítimo, do Servizo de Gardacostas de Galicia e da Policía Local e Nacional. De igual modo, o 112 avisou tamén a Protección Civil da localidade por se fose necesaria a súa colaboración.

Finalmente, axentes da Policía Local confirmaron que o corpo sen vida fora rescatado da auga. As forzas da orde tratan de aclarar as circunstancias do sucedido.