“Xustiza”. Ese foi o principal berro dos familiares de usuarios da residencia de Aldán asociados ao colectivo Vellez Digna na súa súa cuarta xornada de protesta tras o brote de coronvarius que afectou ao centro de DomusVi. Nesta ocasión organizaron unha caravana de coches polo centro urbano de Cangas pasando por diante do centro de saúde e finalizando na entrada do propio xeriátrico.

Os concentrados, tal e como fixeron nas anteriores protestas, piden que se incremente o número de psicólogos para os maiores do centro, polas secuelas a nivel psíquico que están tendo os maiores tras os meses de confinamento.

Tamén piden uunha mesa periódica con representantes dos traballadores da residencia e con familiares e que se prime “a saúde das persoas por encima do diñeiro” no sistema de xestión das residencias de maiores.