InicioCulturaConcello de Vigo e Deputación asinan un convenio para visibilizar a mulleres...

Concello de Vigo e Deputación asinan un convenio para visibilizar a mulleres artistas no museo MARCO

PUBLICADO O

- Advertisement -

O Museo de Arte Contemporánea de Vigo (MARCO) foi o escenario, este xoves, da firma dun convenio entre o Concello olívico (a través da Fundación MARCO) e a Deputación de Pontevedra para “visibilizar” ás mulleres artistas na programación desta institución cultural.

A presidenta da Deputación (e primeira tenente de alcalde do consistorio vigués), Carmela Silva, expresou a súa “emoción” pola firma deste acordo, que ratifica “a volta” da institución provincial ao museo vigués, tras “moito tempo” en que non había unha participación “activa” no MARCO.

Silva subliñou que o acordo subscrito este xoves, polo que a Deputación achegará 50.000 euros, permitirá promover a presenza no museo de mulleres artistas, para que non só sexan recoñecidas, senón tamén “coñecidas pola cidadanía”.

Pola súa banda, o alcalde da cidade, Abel Caballero, celebrou o acordo, que enmarcou na cooperación coa Deputación desde que esta é presidida pola socialista Carmela Silva. “Hai 6 anos esta firma non sería posible”, apuntou e engadiu que, con este convenio, “dáse un paso máis” e “a Deputación entra na mobilización cultural” desde o museo MARCO.

ÚLTIMAS

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...