Unha moza resultou ferida nunha colisión múltiple ocorrida en Tomiño despois de que tentase esquivar un can que se interceptou na estrada.
Segundo informa o 112, o accidente tivo lugar ás 22,15 horas do sábado no punto quilométrico 66 da PO-552, en Amorín. En concreto, foron uns axentes da Garda Civil que nese momento patrullaban pola zona os que contactaron co Centro Integrado de Atención ás Emerxencias (CIAE) para relatar o ocorrido.
Tras confirmar que a ocupante dun dos vehículos implicados necesitaba asistencia sanitaria, o 112 pasou o aviso Urxencias Sanitarias-061.
Ademais, foron informados os bombeiros de Baixo Miño, os efectivos de Protección Civil da localidade, así como o persoal do servizo de mantemento da estrada, que se encargou das tarefas de limpeza da vía.
