InicioSucesosDetido o traballador dunha empresa de Mos por subtraer 10 computadores e...

Detido o traballador dunha empresa de Mos por subtraer 10 computadores e un televisor

O xerente botaba en falta mercadoría dende había dous meses.

PUBLICADO O

- Advertisement -

A Garda Civil detivo a un traballador dunha empresa de loxística e transporte, situada no municipio de Mos acusado de subtraer “unha importante cantidade de computadores portátiles e un televisor de plasma”, que estaban pendentes de distribución e repartición.

Segundo informou o Instituto Armado, as investigacións levadas a cabo por efectivos do Posto de Mos iniciáronse cando o xerente desta empresa situada no mesmo municipio denunciou ante a Garda Civil que durante os dous últimos meses notaba a falta de mercadoría, na súa maioría ordenadores e material audiovisual, que tiña almacenada no interior da nave pendente de repartición aos seus destinatarios.

As investigacións realizadas coa colaboración da administración da empresa levaron a comprobar que o ‘modus operandi’ pasaba por non rexistrar a entrada da mercadoría nas furgonetas de repartición antes da súa distribución, indicaron as mesmas fontes.

Desta forma, o distribuidor quedaba supostamente coa mercadoría, “coa coartada de que os paquetes subtraídos aínda figuraban depositados nas dependencias do almacén”, destacou a Benemérita.

As pescudas realizadas levaron á identificación e localización deste traballador da empresa, un veciño de Vigo de 44 anos, con antecedentes policiais, de baixa médica ao ter coñecemento da denuncia que presentara o xerente da empresa.

No momento do arresto, o detido fixo entrega voluntaria dun televisor e 10 computadores portátiles que tiña almacenados no seu domicilio.

As dilixencias instruídas foron remitidas ao xulgado de Instrución de garda do Porriño, onde deberá comparecer esta persoa cando sexa citada.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...