Os servizos humanitarios prestados pola Policía Local de Vigo a persoas de idade avanzada están a converterse en algo habitual, “un clásico que chegou presumiblemente para quedarse, ou iso indican polo menos os estudos estatísticos, cada día máis persoas viven soas”, defenden dende a Policía.

De tal xeito, este martes, ás 07:40 horas, axentes da Policía Local foron comisionados pola Central para que se trasladasen a un domicilio da Travesía de Vigo, onde ao parecer unha muller de avanzada idade, caeuse e non podía levantarse. A alerta á Policía partía do servizo de urxencias 112, a quen lle chegou o aviso a través dun dispositivo que ten a anciá, de 87 anos.

Os Axentes confirmaron que a muller estaba no interior da súa casa, consciente, pero
incapaz de levantase por si mesma. Unha veciña que a asiste a diario abriu a porta, e a anciá foi atendida polos servizos de urxencia sanitaria, e en principio, non parecía presentar
lesións.