Unha moza de 19 anos domiciliada en Mondariz, I.R.S., e outras tres procedentes de Ponteareas, unha delas, menor de idade, foron denunciadas por desprazarse a Vigo cando aínda non se permitía a realización de paseos en municipios distintos ao de residencia.
Fontes policiais detallaron que os feitos tiveron lugar este sábado sobre as 19,27 horas, cando os axentes foron alertados dun veciño de Vigo de 70 anos que case fora atropelado por un vehículo vermello que portaba unha L na lúa traseira.
Así mesmo, recibiuse comunicación de que unha condutora circulaba de modo perigoso pola cidade e atopouse o turismo correspondente estacionado nun aparcadoiro próximo a un local de copas do paseo dunha praia. Posteriormente, observouse como catro mozas se dirixían ao vehículo mentres gritaban aos cidadáns que se atopaban ao seu paso.
Nese momento, os axentes deron o alto á condutora e propietaria do vehículo, residente en Mondariz. Así, denunciouse a esta moza e aos seus acompañantes dado que os paseos só estaban permitidos dentro do municipio de residencia ese día. Ademais, informouse do motivo da denuncia á nai da moza menor de idade do grupo.
