InicioSociedadeOutras dúas mortes no hospital de Vigo elevan a 483 os falecidos...

Outras dúas mortes no hospital de Vigo elevan a 483 os falecidos con COVID-19 en Galicia

PUBLICADO O

- Advertisement -

A morte doutras dúas mulleres no Complexo Hospitalario Universitario de Vigo (Chuvi) eleva a 483 o número de vítimas mortais do coronavirus en Galicia (107 en residencias, 375 en hospitais e outra persoa, que recibía atención hospitalaria a domicilio), segundo informaron fontes da Consellería de Sanidade.

Así, fontes sanitarias informaron de que, nas últimas horas, faleceron no Chuvi dúas mulleres de 71 e 86 anos, respectivamente. Ambas tiñan patoloxías previas.

Tamén este mércores, Sanidade confirmou a morte doutro seis persoas en hospitais: unha muller de 57 anos de idade e un home de 70 anos, ambos os ingresados no Complexo Hospitalario Universitario de Santiago (CHUS); unha muller de 92 anos de idade, ingresada no Complexo Hospitalario Universitario da Coruña (CHUAC); un home de 68 anos de idade, ingresado no Complexo Hospitalario Universitario de Pontevedra (CHOP); e dúas mulleres, de 85 e 95 anos de idade, que eran atendidas no Complexo Hospitalario Universitario de Ourense (CHUO).

Coa morte destas persoas, todas elas con patoloxías previas, segundo Sanidade, o número de falecidos con COVID nos hospitais galegos é de 375 persoas, ás que hai que sumar outra muller, que recibía atención hospitalaria a domicilio (e cuxa morte foi comunicada este martes).

Por áreas, rexistráronse 108 mortes na área sanitaria da Coruña, 74 na área de Vigo, 72 na área sanitaria de Ourense, 59 mortes na área sanitaria de Santiago, 23 na área de Ferrol, 25 na área de Lugo e 15 na área sanitaria de Pontevedra.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...