O paciente ‘cero’ do Hospital Álvaro Cunqueiro, en Vigo, abandonou este mércores a UCI e foi trasladado a planta entre aplausos de profesionais sanitarios do centro. As autoridades sanitarias confirmaron o traslado a planta do paciente e por redes sociais circula un vídeo no que se ve como este paciente, un transportista de Moaña (Pontevedra), cuxa muller e o fillo dela tamén foron contaxiados, saíron da UCI entre aplausos dos profesionais.

Aínda que acudira ao hospital previamente –o 28 de febreiro–, afectado de dor de costas, este home foi ingresado no Álvaro Cunqueiro o pasado 1 de marzo, cando si lle detectaron unha pneumonía.

Entón foi ingresado no hospital, aínda que inicialmente non illado, dado que “non cumpría criterios” segundo os protocolos vixentes nese momento. O home permaneceu ingresado nunha área convencional ata que poucos despois fíxoselle unha primeira proba no Álvaro Cunqueiro, que deu positivo a coronavirus, o que determinou que tanto el como a súa muller, que se atopaba acompañándoo, fosen postos en illamento. O fillo dela, de 15 anos, tamén deu positivo en Covid-19.