A Policía Local de Vigo puxo 283 denuncias en tres días por incumprimento de normas de confinamento e prohibición de estar na rúa.

Entre os motivos das sancións están ter feito unha festa nun furancho, outros dous por ir nun coche, outros por pasear e outros por ir mercan o pan a quilómetros de distancia do domicilio ou pasear a dez quilómetros de distancia.

“Non se pode incumprir este decreto, a inmensa maioría está a ter un comportamento civilizado e coherente, estes poucos poñen en perigo a súa saúde e a dos demais”, apuntou o rexedor, Abel Caballero que agradece que a maioría da poboación si cumpra “escrupulosamente” as normas.