InicioSucesosDous homes atracan un taxista a punta de coitelo en Vigo

Dous homes atracan un taxista a punta de coitelo en Vigo

Ambos foron detidos logo de despregar a Policía un dispositivo de procura.

PUBLICADO O

- Advertisement -

Axentes da Policía Nacional de Vigo detiveron dous homes, de 43 e 40 anos de idade, como presuntos autores dun roubo con forza, despois de que atracasen a un taxista na cidade olívica a punta de coitelo.

Os feitos ocorreron, segundo informaron fontes policiais, na pasada madrugada, cando o propio taxista chamou ao 091 para denunciar quefora vítima dun atraco.

Segundo relatou aos axentes que acudiron ao lugar, sobre as 4,30 horas recolleu a dous homes na Praza de Fernando El Católico. Un deles sentou detrás e outro no asento do copiloto, e pedíronlle que os levase á rúa Pino.

Cando chegaron ao seu destino, o ocupante da parte de atrás pagou o servizo cun billete totalmente desgastado e o taxista preguntoulle se non tiña outro. Nese momento, o home que lle pagou sacou un coitelo afiado e estreito e púxollo sobre o pescozo, mentres lle gritaba que lle entregase todo o diñeiro.

O chofer deulle un sobre coa recadación ao sospeitoso que viaxaba no asento dianteiro, que recolleu o diñeiro e fuxiu. Mentres, o outro viaxeiro mantivo o coitelo no seu pescozo e reclamoulle que lle dese todo o que levaba encima e as chaves do coche, antes de fuxir tamén á carreira.

A Policía Nacional despregou un dispositivo de procura, e logrou localizar aos sospeitosos. Un deles camiñaba pola rúa Numancia, mentres que o outro foi interceptado noutra rúa próxima.

Os dous foron detidos e trasladados a Comisaría, onde se comprobou que ambos teñen numerosos antecedentes, algúns deles por outros roubos con violencia. Os arrestados e as dilixencias practicadas foron postos a disposición do xulgado de instrución número 6 de Vigo, en funcións de garda.

ÚLTIMAS

A acampada de Vigo inicia o seu desmonte con concentracións para pedir vivenda para dez persoas sen fogar

A acampada pola vivenda de Vigo iniciou este domingo o proceso de desmonte do...

(Fotogalería) As mellores imaxes dunha noite máxica: Vigo acende o Nadal 2026

Vigo volveu converterse este sábado no epicentro do Nadal cun espectacular acendido que reuniu...

“Todo o planeta” xa pode gozar do Nadal de Vigo

A cidade de Vigo acendeu este sábado as súas luces para dar comezo así...

A ministra de Deportes suxire que Vigo será sede do Mundial de Fútbol

A ministra de Educación, Formación Profesional e Deportes, Milagros Tolón, asegurou que o estadio...