Tal e como informou La Liga a través dun comunicado de prensa, suspenderanse os partidos de fútbol da Primeira e da Segunda División, polo menos, dúas xornadas.

Deste modo, pararase a competición durante as próximas dúas semanas, sendo o Real Madrid-Eibar o primeiro partido afectado.

No caso dos equipos galegos na Primeira División suspenderanse o Celta-Villarreal e o Valladolid-Celta. En canto aos equipos de Segunda división, cancélanse o Deportivo da Coruña-Sporting de Gijón, Rácing de Santander-Lugo, Oviedo-Deportivo da Coruña e o Lugo-Zaragoza.

ÚLTIMA HORA 🚨 @LaLiga acuerda suspender la competición al menos durante las dos próximas jornadas. https://t.co/kxXwaJ3KmB

— RC Celta (@RCCelta) March 12, 2020