Gordon Matthew Thomas Sumner, máis coñecido polo seu nome artístico ‘Sting’ e por ser o antigo cantante da banda británica ‘The Police’ actuará no auditorio de Castrelos de Vigo o próximo 1 de agosto deste ano. Formará parte da xira ‘My Songs’ que está a facer agora mesmo en EUA.

Así o confirmou o alcalde da cidade, Abel Caballero esta mañá. O cantante con 17 grammys formará parte das ‘Festas de Vigo’. “Será unha actuación estelar e magnífica” asegurou o rexedor vigués. “Xa avisaremos da hora da actuación e do método de obtección de entradas, aínda queda tempo” prometeu ante os medios.

En ‘My Songs’ aparecen algunhas das clásicas cancións do coñecido grupo, coma ‘Every Breath You Take’.