O Xulgado do Mercantil número 1 de Pontevedra declarou “integramente cumprido” o convenio subscrito entre o Real Club Celta de Vigo e os seus acredores en xullo de 2009, polo que considerou que o concurso finalizou.

Segundo recolle o auto, calquera acredor que considere que o convenio non se respectou na parte que lle afecta poderá demandar a declaración de incumprimento.

En concreto, a declaración poderase solicitar desde o momento do incumprimento nos dous meses posteriores á emisión deste auto. Así mesmo, a resolución do xuíz poderá ser impugnada mediante un recurso de reposición ante o Xulgado do Mercantil número 1 de Pontevedra.

A través dos fundamentos de dereito, o maxistrado considerou que se deu cumprimento “a todas as estipulacións contidas no convenio aprobado no seu día” ante a “ausencia de presentación de calquera alegación por parte de quen estaban interesados no devandito convenio”.