A Xunta duplicará a súa achega ao Consorcio do Casco Vello de Vigo nos próximos dous anos, ata alcanzar un orzamento de 400.000 euros no ano 2020 e doutros 400.000 en 2021.

Así se establece na modificación do convenio de colaboración, aprobada este xoves polo Consello da Xunta, entre o Instituto Galego de Vivenda e Solo (IGVS) e o Concello de Vigo, polo que se prorrogou a vixencia do Consorcio. O IGVS mantén no Consorcio o 90 por cento do capital do mesmo.

O Consorcio do Casco Vello de Vigo rehabilitou 60 inmobles nunha das zonas máis degradadas da cidade olívica, obtendo 106 vivendas e 32 locais comerciais.