O alcalde de Vigo, Abel Caballero, presentou este venres un acordo alcanzado entre o Concello olívico e The Walt Disney Company Iberia, de maneira que a multinacional converterá a rúa Progreso na “Rúa Frozen”, con motivo da estrea da segunda parte desta película de animación.

Nunha rolda de prensa, o rexedor, quen asegurou que o Nadal vigués “move máis xente que o Camiño de Santiago”, avanzou que Disney encargarase da iluminación e animación desa rúa, e que Vigo acollerá a preestrea nacional de Frozen 2, o 20 de novembro nos cinemas de Praza Elíptica (ao que se poderá acudir con invitación). Ademais, o 21 de decembro haberá un pase especial para colectivos sociais de atención a “nenos desfavorecidos”.

Abel Caballero, matizou que o convenio con Disney ten custo económico “cero” para o Concello. Explicou tamén que o aceso inaugural da Rúa Frozen será o sábado 23 de novembro, unha hora despois de que se realice o acto de aceso en Pórta do Sol.