Un incendio declarado de noite nunha habitación dun hotel no municipio de Redondela mobilizou os servizos de emerxencia, que desaloxaron o establecemento, pero non houbo feridos.

Segundo informou o 112 Galicia, o lume orixinouse na cociña dunha das estancias e afectou o mobiliario e á campá extractora, sen que se rexistrasen danos persoais.

Foi unha persoa particular quen alertou ao 112 Galicia sobre as 00,35 horas deste martes. Tras iso, solicitouse a intervención dos Bombeiros do Porriño, da Policía Local e de Protección Civil de Redondela.

Ademais, por parte do CIAE 112 Galicia informáronse os feitos aos Bombeiros de Vigo. Foron seis as persoas desaloxadas, que puideron regresar ao hotel unha vez extinguido o incendio, indicaron as mesmas fontes.