A Garda Civil de Pontevedra investiga as circunstancias da morte dun home, cuxo corpo foi localizado este xoves na zona de Regadas, no municipio de Mos.

Segundo confirmaron fontes do Instituto Armado, o achado produciuse pasadas as 10,00 horas desta mañá. O cadáver, que corresponde a un home duns 50 anos, estaba medio espido e presentaba sinais de violencia.

Os investigadores non descartan ningunha hipótese, á espera do que determine a autopsia, que se realizará no hospital Nicolás Pena de Vigo, onde foi trasladado o corpo deste home.