Tres persoas resultaron feridas nunha colisión entre dous turismos, despois de que un deles tentase esquivar a un can que irrompera na vía pola que circulaban. O suceso rexistrouse sobre as 16,15 horas, na A-55 á altura do termo municipal de Mos, en Pontevedra.
Un particular alertou do sinistro ao 112, que á súa vez informou a 061, Garda Civil de Tráfico, a Policía Local, Protección Civil da localidade, Bombeiros do Porriño e tamén ao persoal do servizo de mantemento da estrada.
Finalmente, o tres feridos foron evacuados polos efectivos sanitarios ata o Hospital Concheiro, segundo indican as mesmas fontes.
Outro accidente rexistrado na mesma provincia saldouse con tres feridos en Pontevedra. En concreto, foi un choque entre tres vehículos que circulaban este mediodía á altura do punto quilométrico 131 da AP-9, en Salcedo.
Varios particulares alertaron do sucedido o 112 Galicia, que deu aviso ao 061, Garda Civil de Tráfico, Policía Local e de Protección Civil da localidade. Do mesmo xeito, informou os Bombeiros de Pontevedra e ao persoal de Autoestradas.
