O vicepresidente da Xunta, Alfonso Rueda, presidiu este venres a firma do convenio entre o conselleiro do Medio Rural, José González, e o presidente da Mancomunidade de Montes de Vigo, Uxío González, polo que se formaliza a concesión dunha subvención a esta entidade para fomentar a inserción laboral de mulleres vítimas de violencia de xénero.

Desta maneira, tal como establécese no acordo, a Consellería do Medio Rural achegará case 60.000 euros para financiar tres contratacións coa categoría profesional de peón forestal. Dous destes contratos serán por un período de 12 meses, mentres que o terceiro será por nove meses.

En virtude do convenio, a Mancomunidade comprométese a efectuar a selección das traballadoras a través dunha oficina de emprego, a formalizar con elas o correspondente contrato laboral e a dalas de alta na Seguridade Social, entre outras obrigacións.