Unha veciña de Vigo resultou ferida con queimaduras cando trataba de apagar un lume que comezou nunha tixola e afectou á cociña da súa vivenda.

Segundo informou o 112 Galicia, o incendio ocorreu a última hora da tarde deste domingo nun domicilio situado na Rúa Quintela, onde desprazouse un equipo médico para atender á muller con diversas queimaduras.

Segundo a información facilitada ao 112 Galicia, a veciña foi evacuada nunha ambulancia de Urxencias Sanitarias de Galicia-061 ao Hospital Povisa para ser atendida das lesións ocasionadas polo incendio, que se iniciou nunha tixola ao lume.

Ademais dos servizos médicos, ao lugar acudiron efectivos dos Bombeiros de Vigo, a pesar de que foi a propia afectada quen tentou sufocar as chamas.