InicioSucesosDenunciados dous usuarios de patinete que circulaban por Vigo baixo os efectos...

Denunciados dous usuarios de patinete que circulaban por Vigo baixo os efectos de alcol e drogas

Unha das condutoras resultou ferida ao chocar contra un turismo.

PUBLICADO O

- Advertisement -

A Policía Local de Vigo tramitou denuncias contra dúas persoas que foron sorprendidas circulando en patinetes pola calzada, e que o facían baixo os efectos do alcol, nun caso, e das drogas noutro. Ademais, unha delas, unha muller, resultou ferida ao chocar contra un vehículo.

Segundo informaron fontes policiais, na madrugada do pasado 7 de agosto foi identificada unha muller que descendía nun VMP (vehículo de mobilidade persoal) pola Gran Vía en dirección a Praza de América. A usuaria do patinete circulaba cuns auriculares conectados ao seu teléfono móbil, o que está prohibido.

Ao chegar ao cruzamento coa rúa da Carmen, atravesou un paso de peóns polo exterior e acabou chocando cun turismo que ascendía e viraba cara a esa rúa.

Os axentes que acudiron ao lugar, mentres se esperaba a chegada da ambulancia (a muller sufriu un golpe na cabeza), realizáronlle unha proba de alcoholemia, que arroxou resultado positivo (0,37 mg/l), polo que tramitaron a correspondente denuncia.

Segundo informou a Policía Local, este accidente é o sexto rexistrado coa implicación de usuarios deste tipo de vehículos de mobilidade persoal.

INTERVENCIÓN EN TRAVESÍA DE VIGO

Por outra banda, na tarde do pasado domingo, unha patrulla do 092 sorprendeu a un mozo circulando nun destes aparellos pola calzada da Travesía de Vigo. Ao comprobar a documentación, constataron que o vehículo non se axustaba á normativa, polo que tramitaron denuncia administrativa.

Ademais, durante a intervención, os policías decatáronse de que o mozo tiña síntomas de estar baixo a influencia dalgunha sustancia tóxica, polo que lle fixeron un test, que deu positivo en THC, o que tamén foi denunciado.

ÚLTIMAS

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...

O cidadán “exemplar” de Vigo: entrega á Policía 400 euros que atopou no caixeiro

Un cidadán entregou á Policía Nacional 400 euros que atopara na rañura dun caixeiro...