Eran as estrelas dos concertos de Castrelos e non defraudaron. Os membros da banda estadounidense de rock 30 Seconds To Mars, liderada polo oscarizado actor Jared Leto, encheron Castrelos o pasado xoves e contaron cun teloneiro moi singular, o alcalde de Vigo, Abel Caballero.
O rexedor non perdeu a ocasión de fotografarse coa estrela do cine e da música e compartiu a imaxe na súa conta de Instagram, onde escribiu: “Fabuloso espectáculo de Thirty Seconds to Mars en Castrelos. Único concierto en Galicia”.
Non foi a única imaxe que compartiu cos seus seguidores o alcalde socialista, que colgou na súa conta algúns intres do concerto e da súa presentación.
Como mestre de cerimonias, Caballero introduciu, co seu particular estilo e no seu singular ingllés, o grupo sobre o escenario de Castrelos: “Quiero dar la bienvenida a los que estáis en la grada en la parte de alante, a los que estáis sentados en la hierba delante de la carretera y a los que ya ocupan la carretera hasta el pazo de Castrelos”.
Vuestra dosis de Abel Caballero diaria: pic.twitter.com/EYNecAvklW
— L. (@nosabidusientan) August 1, 2019
