InicioSociedadeO PP demanda ao Goberno central a instalación dunha nova subestación eléctrica...

O PP demanda ao Goberno central a instalación dunha nova subestación eléctrica en Vigo

O senador Manuel Fidalgo asegurou que se trata dunha infraestrutura "fundamental" para "o futuro económico e empresarial da cidade".

PUBLICADO O

- Advertisement -

O senador ‘popular’ Miguel Fidalgo rexistrou unha pregunta na Cámara Alta para que o Goberno central detalle os motivos polos que non se acometerá a construción da subestación eléctrica 220kv Novo Vigo na cidade olívica e instouno a levala a cabo.

Segundo recolleu o partido nun comunicado, insistiu no abaratamento de custos que suporía esta subestación para as empresas e asegurou que se trata dunha infraestrutura “fundamental” para “o futuro económico e empresarial de Vigo“. Ademais, lembrou que estaba proxectada na planificación 2015-2020 co obxectivo de ser executada en 2020 e remarcou que, en Vigo, as empresas non se poden enganchar á rede eléctrica en 220 kv, mentres que no norte de Portugal si é posible.

Así mesmo, resaltou que se aprobou a aplicación das condicións de excepcionalidade necesarias para estender esta rede desde a liña Atios-Pazos a Vigo no Plan de Desenvolvemento da Rede de Transporte de Enerxía Eléctrica (REE) 2016-2020.

Miguel Fidalgo asegurou ademais que é preciso contar con esta subestación para que a Plataforma Loxística Salvaterra-As Neves (PLISAN) e a planta coa que conta o Grupo PSA en Vigo poidan conectarse. Así, afirmou que, deste xeito, a estabilidade do servizo mellorará e o custo da electricidade diminuirá, o que redundará nunha mellora da competitividade empresarial.

ÚLTIMAS

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...